Spielhofalz

Bist scho amol im Holz draus gwen
Beim Hahnafalz in aller Fruah?
Woaßt, wenn der Tannabam no schlaft
Und d' Buacha steht in stiller Ruah?
Koa Vogel is scho auf im Nest
Und umadum da hörst koan Laut.
Es is so staat, daß d' schier vernimmst,
Wia's von die Asteln obataut.
– Da schnackelt's. Bua, schau hin,
Wia da Spielho grogelt und schnalzt
Und wia'r a im Waldgras auf und o' springt
Und wia'r a sei Henna o'falzt!

Hast dös scho g'hört? I glaub dir's net.
So fruah bist net bei der Hand.
Um dö Zeit geht der Hans ins Bett
Und draht sein Arsch an d' Wand.

Deutsche Gedichte App

Dieses Gedicht und viele weitere findest Du auch in der Deutsche Gedichte App.