Boarisch

De Gambsein, de schiaß' ma'r a so;
Mir gengan wohl außi zu'n Jag'n,
Mir gengan wohl aufi auf d' Schneid
Und brauch'n koan Jaga net z' frag'n,

Kimmt oana dazua,
Der gibt scho a Ruah,
Mir schiaß'n net schlecht,
Und da G'schwinder' hat recht.

De Deand'ln, de liab'n ma'r a so;
Mir kemman a's Fenschta'r auf d' Nacht.
Mir klopfan gar sachte wohl an,
Bis daß sie vo drinna aufmacht.

Und da Pfarra bei 'n Tog
Ko plärr'n, wia 'r a mog,
Bal's d' Leut amal seh'g'n,
Is d' Hauptsach' scho g'scheh'gn.